Ayetên bi vê mijarê ve girêdayî
Ayet: 4Rûpel: 349
Kesên ku bêbextîya zinayê davêjin ser jinên bi îffet/bi namûs û paşê nikarin (li ser rastîya îdîayên xwe) çar şahid bînin, hûn heştê dar/şiv li wan bixin û êdî ebedîyen şahidîya wan qebûl nekin. Ha ev ên hanê, fasiq bixwe ne.
Ayet: 5Rûpel: 349
Ew ên ku di pey vê de tobe dikin û (rewşa) xwe sererast dikin ne tê de. Bêguman Allah, (yê ku gunehan dibexşîne/efû dike û disitirîne û ji aqubeta gunehan evdên xwe diparêze) Xafûr û (li ser evdên xwe pir bi merhamet) Rahîm e.
Ayet: 6Rûpel: 349
Ew kesên ku jinên xwe (bi zinakarîyê) sûcdar dikin û ji xwe pê ve tu şahidên wan tunebin, şahidîya her yekî ji wan ev e ku çar caran wiha bibêjin: “Bi navê Allah sond dixwim ku ez ji rastbêjan im.”
Ayet: 9Rûpel: 349
Di cara pêncemîn de jî wiha dibêje: “Eger ew ji rastbêjan be xezeba Allah li ser min be.”