189Sûreya Baqara
يَسْـَٔلُونَكَ عَنِ الْاَهِلَّةِۜ قُلْ هِيَ مَوَاق۪يتُ لِلنَّاسِ وَالْحَجِّۜ وَلَيْسَ الْبِرُّ بِاَنْ تَأْتُوا الْبُيُوتَ مِنْ ظُهُورِهَا وَلٰكِنَّ الْبِرَّ مَنِ اتَّقٰىۚ وَأْتُوا الْبُيُوتَ مِنْ اَبْوَابِهَاۖ وَاتَّقُوا اللّٰهَ لَعَلَّكُمْ تُفْلِحُونَ
Ew pirsa hîvan/heyvan (ji rewşên hîvê) ji te dikin. Bibêje: “Ew ji bo însanan û ji bo heccê amrazekî weqtê/demê ye. Qencî ne ew e ku hûn di pişt xanîyan de têkevin hundir, lê esil qencî xwedî teqwabûn e. Ji alîyê derîyan ve bikevin xanîyên xwe. Ji Allah bitirsin û xwe biparêzin da ku hûn bigihîjin xelasîyê.
Jêrenot
(Dema ku mûşrîk diketin îhramê, ne di derîyê xanîyên xwe de di qulereke ku li pişta xanîyên xwe de vedikirin diketin navê. Bi vê tevgera xwe bawer bûn ku ev tişt pir bixêr e û dê bi vê awayê herî zêde nêzî Allah bibin. (Buxarî, 4512; Muslîm, 3036 Ji Bera b. Azib.) Ayet bi me dide zanîn ku ji bo fiêlek/amelek wek îbadet bê nirxandin û xwedîyê xwe nêzî Allah bike divê bingehîna wê amelê bigihîje Qur’ana Kerîm û sûnneta Rasûlullah (ass). Ew tiştên ku di nava gel de belavbûyî ye û eslê wan bîdet e û li gor hewayê hatîye lihevanîn qethîyen bi navê “Bîdatê Hesene” meşrû nabe û ne amelên bi teqwa ne û kiryarê xwe/ xwe jî nagihîjîne nêzbûn û hezkirina Allah (ac). Di teqwa û nêzbûna Allah de rêya herî bi bandor/muessîr ew e ku em bi wê dînê ku Allah nazil kiriye û Rasûlullah (ass) nîşanî me daye û hînî me kiriye têr bikin. Bnr: 18/Kehf, 110)