14Sûreya En’am
قُلْ اَغَيْرَ اللّٰهِ اَتَّخِذُ وَلِيًّا فَاطِرِ السَّمٰوَاتِ وَالْاَرْضِ وَهُوَ يُطْعِمُ وَلَا يُطْعَمُۜ قُلْ اِنّ۪ٓي اُمِرْتُ اَنْ اَكُونَ اَوَّلَ مَنْ اَسْلَمَ وَلَا تَكُونَنَّ مِنَ الْمُشْرِك۪ينَ
Bibêje: “Digel ku xaliqê erd û esmanan Allah e û ew riziq dide û (ji hêla tu kesî ve) nayê xwedîkirin, ma ez ji Allah pê ve çawa yekî din ji xwe re dost bigirim?” Bibêje: “Bêguman li min hate fermankirin ku ez bibim ji ewilê muslîman/ew evdên ku şirkê terk kirine û li ser tewhîdê berê xwe dane Allah.” Û (ji min re wiha hat gotin:) “Nebe ku tu bibî ji muşrîkan.”
Jêrenot
(Muşrîkan, hin heyînên ji xeynî Allah ji xwe re wek dost/welî digirtin û çawa ku ji dostekî/ji welîyekî bendewarê tiştek bûn, weke vê ji wan heyînan jî daxwaz û hêvîyan dikirin. Ewana li gorî dilê xwe wiha dihesibandin ku heyînên ji xeynî Allah ji xwe re kiribûn ewlîya ev bûn; melâiketên ku nêzî Allah in (ac) û li îndallah/li cem Allah xatirê wan heye (34/Sebe’, 40) û rûhanîyeta kesên salih in. (53/Necm, 20; 71/Nûh, 23)
Qur'ana Kerîm, sebebên welî girtin û pûtçêkirina van heyînan wiha îzah dike:
- Ji bo nêzîkbûna Allah (39/Zûmer, 3)
- Ji bo li îndallah/li cem Allah bi şefaeta wan naîl bibin (10/Yûnus, 18; 39/Zûmer, 43-44)
- Dema hewcedarîyê de ki bo alîkarî li wan bê kirin (36/Yâsîn, 74-75)
- Ji bo bibin xwedî îzzet (19/Meryem, 81-82)
- Ji bo pevkelandina civakê û bibe rûmeteke neteweyî/millî (29/Ankebût, 25) Wekî din bnr. 29/Ankebût, 41.)