Wextên Nimêjê

Di her du alîyên rojê de û ji şevê jî di seatên nêz (î rojê) de rasterast nimêj bike. Bêguman qencî xerabîyan jê dibe. Ev, ji bo wan ên (Allah) zikir dikin re şîretek e.

Ji ber avabûna rojê (ji wextê nîvro) hetanî tarîtîya şevê bi rasterastî nimêja xwe bike. Qur'an’a Fecrê jî/nimêja sibehê jî (bike). Qur'an’a Fecrê/nimêja sibehê, nimêjeke bigovan/bişahid e.

(Wextekê) ji şevê, nafîleyekî wek mexsûsê te (bi Qur'anê) nimêja teheccûdê bike. Hêvî heye ku Rabbê te, (bi vî awayî) te bigihîne Meqamê Mahmûd/Meqamê Pesinandî.

(Herwiha) tu ji ber gotina wan ve sebir bike! Berî derketina rojê û berî roj biçe ava û hinek ji wextê şevê û di serê (di destpêka) û di binê (di dawîya) rojê de Rabbê xwe tesbîh bike da ku (Rabbê te ji te û tu jî ji Rabbê xwe) qayîl/razî bibî.