Awayê Pêkhatina Qiyametê

Wê rojê erd bi erdeke din re û esman jî (bi esmaneke din re) tê guherandin, ew hemû derdikevin hizûra wî Allah ê (ku di zat û fiêl û sifetên xwe de yekane) Wahid û (ew ê her tişt jê re sitûxwar û di bin hukmê wî de ne) Qahhar e.

Wê rojê asîman divegere û diheje.

Û çiyan bimeşekê dimeşin.

Dema ku waqîe (qiyamet) rabe,

Kesekî ku pêkanîna wê biderewîne tune.

Ew, (rojeke wisan e ku; hin kesan) dadixîne û (hin kesan jî) bilind dike.

Dema ku erd bi şîdet diheje.

Û dema ku çiya jî hûr û hêra dibin.

Dema ew dibin xwelîya berbayê.

Û dema hûn jî dibin sê beş/kom,

Dema ku bi yek pifkirinek li sûrê bê pifkirin,

Dema erd û çiyan ji cihên xwe tên kişandin (paşê jî) li hev tên xistin û dibin parçe,

Ha ew roj Waqîe (qiyameta ku wê qethîyen rabe) waqî bûye.

Asîman qelişîye. Ew, wê rojê sistbûyî/dahelînî ye.

Wê rojê erd û çiya bi şîdet dihejin. Çiya, dibin wekî loda qûmê ya ku hildiweşe/li ber ba diçe.

Eger hûn bibin kafir, gelo ji wê roja (bi erjeng) ku pora zaroka spî dike hûn ê xwe çawa biparêzin?

Asîman (ji erjengîya wê rojê) qelişîye. Wead (a Allah) teqez bicih bûye/pêkhatîye.

Dema stêrk hatin jêbirin,

Dema asîman hate qelaştin,

Dema Çiyan (ji nîşka ve) hatin teriqandin û parçekirin,

Dema ku hemû pêxember ji bo wextê diyarkirî (ji bo qiyametê) hatin civandin.

(Ew însan) ji bo kîjan rojê hatin texîrkirin?

Ji bo Yewmu’l Fesl (hukim di nav însanan de tê dayîn û navbera wan tê veqetandin).

Ma tu yê ji ku derê bizanibî ka Yewmu’l Fesl/roja jihevcudakirinê çi ye?

Roja li sûrê bê pifkirin hûn ê pêl bi pêl werin.

Asîman hatîye vekirin û bûye derî û dergeh.

Çiya tên meşandin û bûne leylan/serab/revrevik.

Dema ku roj tê pêçandin (û tarîkirin),

Dema ku stêrk hildiweşin û belav bibin,

Dema ku çiya tên meşandin,

Dema ku deveyên avis di rewşa xwe de tên terikandin/bêxwedî dimînin,

Dema ku heywanên kovî li hev tên civandin,

Dema ku behr tên pêxistin,

Dema ku nefs tên hevcotkirin (rûh û ceset digihîjin hev),

Dema ku ji qîzika bi saxîtî hatîye binaxkirin tê pirsîn,

(Dema tê pirskirin:) “Ji ber çi sûcî hatîye kuştin?”

Dema ku sahîfe/rûpel belavbûn û vebûn,

Dema ku asîman ji hev ket û hate pêçandin,

Dema ku (agirê) cehennemê tê pêxistin û geş dibe,

Dema ku cennet tê nêzkirin,

Êdî her nefs, hîn bûye ku (ji bo roja qiyametê) çi amade kiriye (û bi xwe re anîye).

Dema ku asîman diqelişe,

Dema ku stêrk hildiweşin û belav dibin,

Dema ku behr tên teqîn/tên beliqîn û fûrandin,

Dema ku qebr/gor serûbinî hev dibin,

Dema ku asîman dibe şeq,

Dema ku gûh dide Rabbê xwe û bi awayê lêhatî îtaeta wî dike,

Dema ku erd têrbaş tê dirêjkirin,

Dema ku tiştên di nava xwe de davêje û vala dibe,

Dema ku gûh dide Rabbê xwe û bi awayê lêhatî îtaeta wî dike.

Erd, dema ku bi hejeke bişîdet diheje,

Û dema erd giranîyên xwe (mirîyan û madenan) derdixe,

Dema ku însan dibêje: “Çi dibe ji vê wisa?”

Ew roj erd, xeberên (wan tiştên li ser wê qewimîne) vedibêje.

Lewre Rabbê te jê re wehîy kiriye, (de “biaxive”).